十四號既晚宴終於完滿結束啦~~~~

今日真係好感恩，原先會場話要六點先開始同我地set枱，要求過佢地早啲都唔肯，但今日五點零去到又set好晒喎～～～真係好～

好開心有三個好好既義工，真係好幫得手～～～有佢地真係快好多～～另外，我地既核數師又搵到五位義工幫手做招待，又係好幫得手～～冇佢地我地都實踢晒腳～～～

我今日既身份係歡樂小姐，個名好搞笑～～佢地個個都叫我做歡樂小姐～～因為有一個環節係要上去抽獎，唔係我抽俾人喎，係做攞箱嗰個人喎，俾啲董事抽～～～人地盼獎我就係側面渣住個獎俾人盼個啲，係咪真係好似個啲歡樂小姐～～其實除左做呢啲，仲有好多其他不同類型既野～～好雜真係乜都有～～原先我要做埋招待既，但真係冇乜點幫到手，個攝影師塞車遲到，咁我就用住自己部相機周圍影下開始前既花絮，同埋set好啲枱既禮物、場刊、我地既30週年特刊呢啲....講起呢啲...由於之前啊M同事冇叫人set好張枱俾我睇點放啲野既關係，我今日去到見到啲枱真係逼到冇咩位用黎放野，好在啲義工真係好好，唔係真係怕唔夠時間同冇時間做埋其他野～～嗯...講起張枱...俾大家睇下有幾逼...

呢幾位係我地中心既寫稿員同埋播音員，不過其實係想俾大家睇下張枱，你好明顯會見到啲禮物，遊戲獎品既野係夾硬放上枱度...其實都唔係幾好睇....啲場刊同特刊我地係疊好放係佢地張椅個度......佢地食野個時，我諗有啲人可能要攞住啲野，其實係幾辛苦架....

今晚每個同事都好盡力，都有人讚我地中心搞得好，好開心～～～因為之前成日諗，搞啲咁大型既活動，實質得幾個人做晒咁多野，所以都怕有好多野會有遺漏或者唔知要做，完晒成個活動之後，啊搞笑同事話要去食野，因為佢全晚只係飲到個餐湯，我就好啲，我食得晒塊雞扒，不過都係凍晒先食～生果食得兩舊～～啊輝就話佢食得晒成個餐～～～不過佢好似負責音響，唔知點解佢食得晒個餐？？就係我地幾個加埋輝既太太一齊去再食過野～～～食完野傾下計...差唔多12點～～返到屋企沖完個涼都好累～～

今日好多謝娜姐同啊素既出席～～其實我好想佢地可以抽到份禮物～～頭獎都OK架，係一部十字架既mp3機黎～～幾的式個款都OK既～～～

丫～係開始之前我地影左一張相，因為攝影師仲未到，所以用左我部機影～～～～

影到我塊臉咁肥，搞錯丫～！！